Акафист умягчение злых сердец читать. Молитва и акафист иконе Божией Матери «Умягчение злых сердец

Чудотворная икона Божией Матери «Семистрельная» менее знаменита, чем похожая на нее икона «Умягчение злых сердец». Однако из истории известно, что Богородица посылала многую помощь людям через нее. Обе иконы имеют особую благодать помогать в семейной жизни, разрешении любых конфликтов и при интригах врагов.

Как узнать икону «Семистрельная»

Существует множество икон Божией Матери, однако на всех них изображена Одна Женщина — Мать Господа Иисуса Христа, Царица Небесная, Пречистая Дева Мария. Многие иконы схожи друг с другом, относятся к одному типа. Иконы «Умягчение злых сердец» и «Семистрельная» похожи особенно сильно: Богородица изображается на них без Младенца (иногда со спящим или умершим Младенцем, символизирующим, что люди своими грехами вновь убивают Иисуса Христа) со сложенными в молитве руками. В Ее груди — семь стрел на иконе «Семистрельной» и семь кинжалов на «Умягчении злых сердец». На «Семистрельной» в грудь Девы Марии воткнуты по сторонам три и четыре стрелы, а на «Умягчении злых сердец» в нее вонзены кинжалы — по три справа и слева, один — внизу.

Такое страшное изображение мучимой Богородицы было создано около XVII века, когда начался период символизма в иконописи. Иконописец стремился явно показать слова святого Симеона Богоприимца, встретившего Божию Матерь и Младенца Христа в Иерусалимского храме и пророчествовавшего, что Ей «оружие пройдет душу». Слова эти значили, что Она будет страдать, видя мучения и смерть за род человеческий Своего Сына и Господа, Богочеловека Иисуса Христа. Богословы толкуют их и иначе: грехи человеческие, словно оружие, пронзают сердце Богородицы, Она сострадает всем несправедливо обиженным и мучимым.

Именно это оружие в виде стрел изображено на иконе «Семистрельная». Их семь, потому что эта цифра — число полноты, знак большого горя, которое претерпела Божия Матерь, и число смертных грехов, которые совершают люди, терзая тем самым Богородицу.

Образ «Семистрельной» был, как большинство чудотворных икон, чудесно явлен. Он находился в забвении, на лестничном пролете в колокольне Иоанно-Богословской церкви в Тошне, у Вологды. Но однажды икона «Семистрельная» явилась во сне больному крестьянину, долго страдавшему и молившемуся Богородице об исцелении. До сна он ни разу не видел этот образ. Крестьянин пошел в храм и умолял впустить его на колокольню — а ведь это помещение только для звонарей, посторонних людей туда и в нынешних храмах не пускают. Вот и крестьянину, пытавшемуся объяснить, что на колокольне должна находится чудотворная икона, отказывали. Но он верил, что именно после того, как он приложится к иконе (помолится перед иконой и поцелует ее с благоговением), его болезнь отступит. Служители храма сами не помнили о том, что на колокольне есть икона и были очень удивлены, когда, впустив наконец больного, нашли пыльный и темный лик Богородицы. После богослужения перед ней больной действительно исцелился. Весть об этом распространилась по Вологде, был сложен акафист «Семистрельной» иконе, через которую многие люди стали обретать просимое. В XIX веке Богородица после молитвы горожан и духовенства Вологды перед этой иконой остановила эпидемию смертельной болезни — холеры.

Иконы «Семистрельной» Богородицы и «Умягчение злых сердец» сейчас относят к одному типу, и день их памяти один — в Неделю всех Святых (первая неделя после праздника Троицы).

Сильная молитва Семистрельной иконе Божией Матери — акафист, который читается перед иконой

Акафист — это длительное молитвословие, которое может быть совершено и в храме, в составе молебна, который отслужит священник по вашему заказу, и дома.
Образ «Семистрельная» имеет особую благодать помогать верующим людям, молящимся перед ним о:

Спокойной семейной жизни,
Примирения вражды друзей, супругов, коллег,
Спокойного разрешения судебной тяжбы,
Конфликтах на работе, их предупреждении и разрешении.

Читать акафист Семистрельной иконе можно единожды или во все время, пока не угаснет конфликт или не уладятся ваши трудности. На продолжительное ежедневное чтение акафиста лучше взять благословение у священника, описав ему ситуацию — возможно, батюшка также подскажет вам пути разрешения ссоры.

Молитвами Пречистой Девы Марии да хранит вас Господь Иисус Христос!

Смотреть видео акафиста Божией Матери «Семистрельная»:

Лик Богородицы «Умягчение злых сердец» – один из немногих, где Святая Дева изображена без Богомладенца. Акафист «Умягчение злых сердец» следует читать с особенной теплотой в душе, искренне молясь о том, чтобы неверующие и просто недобрые люди исцелились от своих греховных деяний.

Описание и сила иконы

Обычно Пресвятая Дева в христианстве выступает заступницей грешников, на этом же образе ее саму хочется защитить. И это можно сделать, если перестать грешить, или хотя бы избавиться от одного из своих пороков. Лик изображает Богоматерь, грудь которой пронзают 7 мечей: по 3 справа и слева, 1 – снизу. Лик исполнен надежды на то, что придут времена, когда люди будут добры и милосердны, а на земле будет торжествовать правда. Образ выражает глубокую печаль и душевную боль, которую Святая Дева пронесла через всю свою жизнь.

К этой иконе обращаются с мольбой о тех, кто утратил веру, перестал посещать храм или вовсе не верует, кроме того, молитва перед образом помогает примирить враждующих.

Чтение акафиста должно быть особенно теплым и благодушным, слова мольбы произносятся с искренней верой в исполнение желаемого. Священники советуют обращаться к Богородице так: сначала прославить Господа и вознести Ему благодарность за все, что имеем, после – покаяться в прегрешениях своих, и только потом просить о желаемом. Кроме того, важно, чтобы молящийся искренне примирился со своими ближними – молитва только на словах не будет иметь силы.

Вот такая она, чудотворная икона Богородицы. Она защищает каждого из нас, прежде всего, от самих себя, препятствуя возникновению гнева и злобы в наших душах. И даже одна душа, ставшая на путь истинный после обращения к священному образу, будет наградой страдающей Богородице.

Видео «Акафист пред иконой «Умягчение злых сердец» Богородице»

В этом видео вы можете прослушать аудиозапись акафиста Богородице перед иконой «Умягчение злых сердец».

Акафист Пресвятой Богородице перед Ея иконой, именуемой «Умягчение злых сердец»

Избранной Деве Марии, превысшей всех дщерей земли, Матери Сына Божия, Его же даде спасению мира, со умилением взываем: воззри на многоскорбное житие наше, воспомяни скорби и болезни, ихже претерпела еси, яко наша земнородная, и сотвори с нами по милосердию Твоему, да зовем Ти: Радуйся, многоскорбная Мати Божия, печаль нашу в радость претворяющая.

Ангел, возвестивый пастырем Вифлеемским о Рождестве Спасителя мира, и с ним множество небесных сил восхвалиша Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевшая где главу преклонити, зане не бе места во обителех, роди Сына Своего Первенца в вертепе и, повив Его пеленами, положи в яслех; тем скорбь сердца Твоего познавая, вопием Ти: Радуйся, дыханием Своим Сына Своего возлюбленнаго согревшая; радуйся, предвечнаго Младенца пеленами повившая. Радуйся, Носителя вселенныя млеком Своим питавшая; радуйся, вертеп в небо обратившая. Радуйся, престолом херувим соделавшаяся; радуйся, в рождестве и по рождестве Девою пребывшая. Радуйся, многоскорбная Мати Божия, печаль нашу в радость претворяющая.

Видя Предвечнаго Младенца, повита лежаща в яслех, пришедше поклонишася Ему пастыри Вифлеемстии и сказаша о глаголе, глаголанном им Ангелом о Отрочати, Мариам же соблюдаше вся глаголы сия в сердце Своем; по прошествии же семи дней бе обрезан Иисус по закону Израильскому, яко человек осьмодневен; воспевая смирение и терпение Твое, Богородице, поем вечному Богу: Аллилуиа.

Разум имея в Боге утвержденный и соблюдаяй закон Господень, в четыредесятый день, егда исполнилися дни очищения, вознесоста Иисуса во Иерусалим родители Его, дабы поставить Его пред Господом и дати за Него жертву по реченному в Законе Господнем; мы же вопием Тебе сице: Радуйся, Создателя вселенныя во исполнение закона во храм Иерусалимский принесшая; радуйся, тамо старцем Симеоном радостно сретенная. Радуйся, едина Чистая и Преблагословенная в женах; радуйся, Крест Свой, скорбями преукрашенный, во смирении несшая. Радуйся, воли Божией николиже преслушавшая; радуйся, образ терпения и смирения Собою явившая. Радуйся, сосуде исполненный благодати Духа Святаго; радуйся, многоскорбная Мати Божия, печаль нашу в радость претворяющая.

Силою свыше была еси укрепляема, Мати Божия, егда услыша словеса старца Симеона, глаголюща: «Се, лежит Сей на падение и на востание многим во Израили, и в знамение пререкаемо, и Тебе же самой душу пройдет оружие, яко да открыются от многих сердец помышления», и скорбь велия пронзи сердце Богородицы, и возопи в горести Богу: Аллилуиа.

Имея тщание погубити Отроча посла Ирод избити вся дети сущия в Вифлееме и пределех его от двою лета и нижайше, по времени еже испыта от волхвов и се по повелению Божию, данному чрез Ангела во сне старцу Иосифу, бежа все святое семейство во Египет и пребысть тамо седмь лет до смерти Ирода. Тем же со умилением вопием Ти: Радуйся, всю тесноту странствия понесшая; радуйся, яко все идоли падоша в стране Египетской, не возмогше терпети крепости Сына Твоего. Радуйся, с нечестивыми язычники седмь лет пребывшая; радуйся, с Предвечным Младенцем-Отроком и со Своим Обручником в Назарет пришедшая. Радуйся, со старцем Иосифом древоделом в нищете жившая; радуйся, все время Свое в трудах проводившая. Радуйся, многоскорбная Мати Божия, печаль нашу в радость претворяющая.

Буря скорби обдержа Пречистую Матерь, егда возвращающимся има из Иерусалима не обретоша в пути Отрока Иисуса. Сего ради возвращшеся взыскающе Его, и бысть по триех днех обретоша Его в церкви, седяща посреде учителей и послушающа их и вопрошающа их. И рече к Нему Мати Его: Чадо, что сотвори нама тако? Се отец Твой и Аз боляще искахом Тебе? И рече к нима: что яко искаста Мене, не веста ли яко в тех, яже Отца Моего суть достоит быти Ми; и Мати Его соблюдаше вся глаголы сия в сердце Своем, вопиющи Богу: Аллилуиа.

Услыша Мати Божия, яко Иисус прохождаше всю Галилею, уча на сонмищах их, проповедаяй Евангелие Царствия и исцеляя всяк недуг и всяку язву в людех, и изыде слух по всей Сирии и приведоша к Нему болящия различными недузи и страстьми одержимыя и бесами, и расслабленныя и исцеляше их. Ты же, Мати Божия, ведущи пророчества, скорбела сердцем, познавая, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многострадальная Мати Божия, вопиюще: Радуйся, Сына Своего на служение народу иудейскому отдавшая; радуйся, скорбная сердцем, но покорная воле Божией. Радуйся, мир от потопа греховнаго спасшая; радуйся, главу древнего змия стершая. Радуйся, Себе в жертву живу Богу принесшая; радуйся, Господь бо с Тобою, Благословенная. Радуйся, многоскорбная Мати Божия, печаль нашу в радость претворяющая.

Божие Царство на земли проповедуя, обличаше Иисус гордость фарисей, мнивших себя праведными быти. Тии же, слушая притчи Его, разумеша, яко о них глаголет, и искаша яти Его, но убояшася народа, понеже яко пророка Его имеяху; сие все ведая, скорбяше Богородица о Сыне возлюбленном, страшася, да не убьют Его, в горести вопиюще: Аллилуиа.

Видевше нецыи от иудеев воскресение Лазаря, идоша к фарисеем и рекоша им, яже сотвори Иисус, и рече Каиафа, архиерей сый лету тому: «Уне есть нам, да един человек умрет за люди, а не весь язык погибнет», от того дня совещашася, да убиют Его; мы же вопием Тебе, Пречистая: Радуйся, Спасителя мира рождшая; радуйся, спасения нашего главизна. Радуйся, от рождения Матерью Спасу нашему предызбранная; радуйся, Мати Божия, обреченная на страдание. Радуйся, Благословенная, Царицею Небесною соделавшаяся; радуйся, выну за нас молящаяся. Радуйся, многоскорбная Мати Божия, печаль нашу в радость претворяющая.

Прежде проповедник слова Божия, послежде предатель - Иуда Искариотский, един от обоюнадесяти апостолов, иде ко архиереом предати Учителя своего; они же слышавше, обрадовашася зело и обещаша ему сребреники дати; Ты же, Мати Божия, скорбящи о Сыне Своем возлюбленном, вопияла горце Богу: Аллилуиа.

Возсия последняя вечеря учеником Христовым, на ней же Учитель умы нози има, образ смирения тем показуя, и рече им: «Един от вас предаст Мя, ядый со Мною». Мы же, горю Матери Божией сострадая, вопием Ей: Радуйся, Мати Божия, мукой сердечной истомленная; радуйся, вся претерпевшая во юдоли сей многоскорбней. Радуйся, в молитве успокоение находившая; радуйся, всех скорбящих радосте. Радуйся, утоление наших печалей; радуйся, из тины греховныя нас спасающая. Радуйся, многоскорбная Мати Божия, печаль нашу в радость претворяющая.

Хотяй явити любовь Свою к роду человеческому Господь Иисус Христос на Тайной Вечери, благословив и преломив хлеб, даде Своим учеником и апостолом, рек: «Приимите, ядите, сие есть Тело Мое», и прием чашу и хвалу воздав, даде им, глаголя: «Пиите от нея вси, сия есть Кровь Моя Новаго Завета, яже за многия изливаемая во оставление грехов». Благодаряще милостиваго Бога за милосердие Его к нам неизреченное, поем Ему: Аллилуиа.

Новое знамение милости Своей яви Господь ученикам Своим, егда обеща послати им Утешителя Духа Истины, Иже от Отца исходит и будет свидетельствовать о Нем. Тебе же, Матери Божией, дважды освященной Святым Духом, вопием: Радуйся, Духа Святаго обиталище; радуйся, чертоже всесветлый. Радуйся, пространное селение Бога Слова; радуйся, бисер Божественный произведшая. Радуйся, Рождеством Твоим райския двери нам отверзающая; радуйся, знамение милости Божией Собою нам явившая. Радуйся, многоскорбная Мати Божия, печаль нашу в радость претворяющая.

Странно и прискорбно нам слышати, яко лобзанием предаде Учителя своего и Господа Иуда Искариотский, спира же и тысячник и слуги иудейския яша Иисуса и связаша Его, и ведоша к первосвященнику Анне перве, посем же к Каиафе архиереови. Мати же Божия, смертнаго совета Сына Своего возлюбленнаго ожидая, вопияла Богу: Аллилуиа.

Все иудеи ведоша Иисуса от Каиафы в претор к Пилату, глаголюще Его злодеем быти. Пилат же, вопросив Его, глагола им, яко ни единая вины обретает в Нем; мы же вопием Ти: Радуйся, сердце, горем истерзанное, имевшая; радуйся, слезы о Сыне Своем проливавшая. Радуйся, все претерпевшая без ропота, яко раба Господня; радуйся, стенящая и рыдающая. Радуйся, Царице небеси и земли, приемлющая молитвы раб Своих; радуйся, многоскорбная Мати Божия, печаль нашу в радость претворяющая.

Вси роди блажат Тя, честнейшую херувим и славнейшую без сравнения серафим, Владычицу и Матерь Избавителя нашего, Рождеством Своим радость всему миру принесшую, послежде скорбь велию имевшую, видящи Сына Своего возлюбленнаго на поругание и биение смерть преданнаго, мы же умиленное пение приносим Ти, Пречистая, поюще Всемогущему Богу: Аллилуиа.

Витии многовещанные не возмогут изрещи всех страданий Тобою перенесенных, Спасе наш, егда воины сплетше венец из терния на главу Твою и в ризу багряну облекоша, глаголаху: «Радуйся, Царю Иудейский» и бияху Тя по ланитам. Мы же, Мати Божия, страдания Твоя познавая, вопием Ти: Радуйся, Его же млеком Своим питала еси, терзаемаго видевшая; радуйся, багряницею и терновным венцем одеяннаго зревшая. Радуйся, страданием Его спострадавшая; радуйся, всеми учениками Его оставленнаго видевшая. Радуйся, неправедными судиями Его осужденнаго зревшая; радуйся, многоскорбная Мати Божия, печаль нашу в радость претворяющая.

Спасти хотя Иисуса, рече Пилат иудеом: «Есть обычай нам, да единаго вам отпущу, хощете ли убо отпущу вам Царя Иудейскаго?» Вси же возопиша, глаголюще: «Не Его, но Варраву!» Воспевая милосердие Божие, отдавшаго Сына Своего Единороднаго на крестную смерть, да искупит ны от вечныя смерти, вопием Ему: Аллилуиа.

Стена и ограждение буди нам, Владычице, изнемогающим от скорби и болезней. Ты бо и Сама страдала еси, слышащи иудеев вопиющих: «Распни Его». Ныне же услыши нас, вопиющих Ти: Радуйся, Мати милосердия; отъемлющая всяку слезу от люте страждущих; радуйся, слезу умиления нам подающая. Радуйся, погибающих грешников спасающая; радуйся, предстательство христиан непостыдное. Радуйся, от страстей нас избавляющая; радуйся, сердцу сокрушенному отраду подающая. Радуйся, многоскорбная Мати Божия, печаль нашу в радость претворяющая.

Пение всеумиленное приносим Спасителю мира, на вольное страдание шедше и Крест Свой несшу на Голгофу пропяти Его; стояху при Кресте Иисусове Мати Его, Мария Клеопова и Мария Магдалина. Иисус же, видев Матерь и ученика стояща, его же любляше, глагола Матери Своей: «Жено, се сын Твой!» потом глагола ученику: «Се Мати твоя!» И от того часа поят Ю ученик восвояси. Ты, Мати Божия, видя на Кресте Сына и Господа Своего терзающися, вопияла горце Богу: Аллилуиа.

Свете Мой, Боже превечный и Творче всех тварей, Господи, како терпиши страсти на Кресте? - Чистая Дева плачущи глаголаше о страннем Твоем Рождестве: «Сыне Мой, паче всех матерей возвеличена бых Аз, но, увы “Мне, ныне Тя видящи распята распаляюся утробою»; мы же слези проливаем, Тебе внимающе, вопием Ти: Радуйся, радости и веселия лишенная; радуйся, вольная страдания Сына Своего на Кресте видевшая. Радуйся, Чадо Свое возлюбленное уязвленным зревшая; радуйся, Агница, зрящи Чадо Свое, яко Агнца, на заколение ведома. Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая. Радуйся, многоскорбная Мати Божия, печаль нашу в радость претворяющая.

Кондак 1
Избранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:

Икос 1
Ангел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:

Радуйся, дыханием Своим Сына Своего возлюбленнаго согревшая; радуйся, Превечнаго Младенца пеленами повившая.

Радуйся, Носителя вселенныя млеком Своим питавшая; радуйся, вертеп в небо обратившая.

Радуйся, престол херувимский соделавшаяся; радуйся, в рождестве и по рождестве Дева пребывшая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 2
Видяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.

Икос 2
Разум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:

Радуйся, Создателя вселенныя во исполнение Закона в храм Иерусалимский принесшая; радуйся, тамо старцем Симеоном радостно сретенная.

Радуйся, Едина Чистая и Благословенная в женах; радуйся, крест Твой, скорбьми преукрашенный, во смирении несшая.

Радуйся, волю Божию николиже преслушавшая; радуйся, образ терпения и смирения нам Собою явившая.

Радуйся, сосуде, исполненный благодати Духа Святаго; радуйся, рождшая Сына Единороднаго Отца Небеснаго.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 3
Силою свыше укрепляема была еси, Мати Божия, егда услышала еси словеса праведнаго старца Симеона: «Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления». Обаче скорбь велия пронзе сердце Богородицы, и возопи Сия Богу: Аллилуиа.

Икос 3
Имея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:

Радуйся, всю тесноту странствия понесшая; радуйся, яко вси идоли падоша в стране Египетстей, не возмогше терпети крепости Сына Твоего.

Радуйся, с нечестивыми язычники пребывавшая; радуйся, из Египта с Первенцем Отроком и Своим обручником в Назарет пришедшая.

Радуйся, со старцем Иосифом древоделом в нищете жившая; радуйся, все время Свое в трудех провождавшая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 4
Буря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: «Чадо, что сотвори нама тако? Се отец Твой и Аз, боляще, искахом Тебе.» И рече к нима Иисус: «Что яко искасте Мене? Не весте ли, яко в тех, яже Отца Моего, достоит быти Ми?» Ты же, Пречистая, соблюдала еси глаголы сия в сердце Своем, вопиющи Богу: Аллилуиа.

Икос 4
Услышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:

Радуйся, Сына Своего на служение народу иудейскому отдавшая; радуйся, скорбная сердцем, но покорная воли Божией.

Радуйся, мир от потопа греховнаго спасшая; радуйся, главу древняго змия стершая.

Радуйся, Себе в жертву Богу принесшая; радуйся, Господь с Тобою, Благословенная.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 5
Царствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.

Икос 5
Видевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: «Уне есть нам, да един человек умрет за люди, а не весь народ погибнет». И от сего дне совещаша, да убиют Его. Мы же вопием Ти, Пречистая:

Радуйся, Спасителя мира рождшая; радуйся, спасения нашего главизно.

Радуйся, от рождения в Матерь Спасу нашему предызбранная; радуйся, Мати Божия, обреченная на страдание.

Радуйся, Благословенная, Царица Небесная соделавшаяся; радуйся, выну за ны молящаяся.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 6
Прежде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.

Икос 6
Возсияла есть последняя вечеря учеником Христовым, на нейже Учитель умы нозе им, образ смирения показуя, и рече им: «Един от вас предаст Мя, ядый со Мною». Мы же, горю Матери Божией сострадающе, воспеваем Ей:

Радуйся, Мати Божия, мукою сердечною истомленная; радуйся, вся претерпевшая в юдоли сей многоскорбней.

Радуйся, в молитве успокоение находившая; радуйся, всех скорбящих Радосте.

Радуйся, утоление наших печалей; радуйся, из тины греховныя нас спасающая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 7
Хотяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: «Приимите, ядите, сие есть тело Мое» и, прием чашу и хвалу воздав, даде им, глаголя: «Сия есть кровь Моя Новаго Завета, яже за многия изливаемая во оставление грехов». Благодаряще Милостиваго Бога за милосердие Его к нам неизреченное, поем Ему: Аллилуиа.

Икос 7
Новое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:

Радуйся, Духа Святаго обиталище; радуйся, чертоже всесвятый.

Радуйся, пространное селение Бога Слова; радуйся, Бисер Божественный произведшая.

Радуйся, рождеством Твоим райския двери нам отверзающая; радуйся, знамение милости Божией нам Собою явившая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.

Икос 8
Вси иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:

Радуйся, сердце горем истерзанное имевшая; радуйся, слезы о Сыне Своем проливавшая.

Радуйся, Чадо Свое любимое на судилище преданное зревшая; радуйся, вся претерпевшая без ропота, яко раба Господня.

Радуйся, стенящая и рыдающая; радуйся, Царице небесе и земли, приемлющая молитвы раб Своих.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 9
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.

Икос 9
Витии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: «Радуйся, Царю Иудейский», и бияху Тя по ланитома. Мы же, Мати Божия, страдания Твоя познавающе, вопием Ти:

Радуйся, Сына Своего биеннаго зревшая; радуйся, багряницею и терновым венцем одеяннаго зревшая.

Радуйся, Егоже млеком Своим питала еси, терзаемаго видевшая; радуйся, страданием Его спострадавшая.

Радуйся, всеми ученики Его оставленнаго видевшая; радуйся, неправедными судиями Его осужденнаго зревшая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 10
Спасти хотя Иисуса, рече Пилат иудеем: «Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?» Но вси возопиша, глаголюще: «Не Сего, но Варавву». Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.

Икос 10
Стена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: «Распни, распни Его!» Ныне же услыши нас, вопиющих Ти:

Радуйся, Мати милосердия, отъемлющая всякую слезу от люте страждущих; радуйся, слезу умиления нам подающая.

Радуйся, погибающих грешников спасающая; радуйся, предстательство христиан непостыдное.

Радуйся, от страстей нас избавляющая; радуйся, сердцу сокрушенному отраду подающая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 11
Пение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: «Жено, се сын Твой»; потом глагола ученику: «Се Мати твоя». И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.

Икос 11
«Сыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою». Мы же, слезы проливающе и Тебе внемлюще, вопием Ти:

Радуйся, радости и веселия лишенная; радуйся, вольная страдания Сына Твоего на кресте видевшая.

Радуйся, Чадо Свое возлюбленное уязвленным зревшая; радуйся, Агнца, на заклание ведомаго, Мати.

Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 12
Благодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. «Се, свете Мой сладкий, надеждо и животе Мой благий, Боже Мой, угасл еси на Кресте», - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: «Даждь ми Сего страннаго, Иже не имать где главы преклонити». Богоматерь же, видевши Сына Своего безславна, нага на древе, возопи: «Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона». Мы же, Пречистей Деве состраждуще, вопием Богу: Аллилуиа.

Икос 12
Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас». Мы же Богородице, о нас молящейся, вопием:

Радуйся, мертваго зрящая, бездыханна Преблагаго Господа; радуйся, лобзавшая тело Сына Твоего возлюбленнаго.

Радуйся, Света Своего сладкаго нага и уязвленнаго Мертвеца зревшая; радуйся, Сына Своего гробу предавшая.

Радуйся, плащаницею новою тело Его обвившая; радуйся, Воскресение Его видевшая.

Радуйся, многоскорбная Мати Божия, печаль нашу в радость претворяющая и сердца злых человек умягчающая.

Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.

Этот кондак читается трижды, затем 1-й икос «Ангел возвести …» и 1-й кондак «Избранной Деве Марии …».

Молитва первая
О многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоболезненныя воздыхания наша и сохрани нас под кровом Твоея милости. Инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.

Молитва вторая
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!

Тропарь, глас 8
Восприемши души человеческия и утоливши злый совет, сокруши, Богомати Владычице, и разгони тьму прегрешений, и нас настави на путь смирения, яко да и мы будем во свете дел ходити, и Твоея иконы явлению торжествовати, и на помощь Твою уповати, и умильным гласом звати, Владычице, из глубины: помози, Едина Благословенная.

Ин тропарь, глас 5
Умягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистину злых сердец умягчение.

Кондак, глас 6
Око сердца моего смущают, и злый совет разоряет мя, сих сокруши, Дево Чистая, и не презри мое воздыхание, и супостаты на нас умягчи, Преблагословенная Владычице.

Ин кондак, глас 2
Благодатию Твоею, Владычице, умягчи сердца злодеев, низпосли благодетелей, соблюдающи их от всякого зла, благомолящимся Ти усердно пред честными иконами Твоими.

Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Празднование:

в Неделю Всех Святых

Тропарь, глас 5

Умягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистину злых сердец умягчение.

Кондак, глас 2

Благодатию Твоею, Владычице, умягчи сердца злодеев, низпосли благодетелей, соблюдающи их от всякаго зла, благомолящимся Ти усердно пред честными иконами Твоими.

Кондак 1

Избранней Деве Марии, превысшей всех дщерей земли, Матери Сына Божия, Егоже даде спасению мира, со умилением взываем: воззри на многоскорбное житие наше, воспомяни скорби и болезни, ихже претерпела еси, яко наша земнородная, и сотвори с нами по милосердию Твоему да зовем Ти:

Икос 1

Ангел, возвестивый пастырем Вифлеемским о Рождестве Спасителя мира, и с ним множество Небесных Сил восхвалиша Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевшая где главу преклонити, зане не бе места во обителех, роди Сына Своего Первенца в вертепе и, повив Его пеленами, положи в яслех; тем скорбь сердца Твоего познавая, вопием Ти:

Радуйся, дыханием Своим Сына Своего возлюбленнаго согревшая.

Радуйся, Предвечнаго Младенца пеленами повившая.

Радуйся, Носителя вселенныя млеком Своим питавшая.

Радуйся, вертеп в небо обратившая.

Радуйся, престолом Херувимским соделавшаяся.

Радуйся, в рождестве и по рождестве Девою пребывшая.

Радуйся, многоскорбная Мати Божия, печаль нашу в радость претворяющая.

Кондак 2

Видя Предвечнаго Младенца, повита лежаща в яслех, пришедше поклонишася Ему пастыри Вифлеемстии и сказаша о глаголе, глаголанном им Ангелом о Отрочати; Мариам же соблюдаше вся глаголы сия в сердце Своем. По прошествии же семи дней бе обрезан Иисус по закону Израильскому, яко человек осьмодневен. Воспевая смирение и терпение Твое, Богородице, поем вечному Богу: Аллилуиа.

Икос 2

Разум имея в Бозе утвержденный и соблюдаяй закон Господень, в четыредесятый день, егда исполнишася дни очищения, вознесоста Иисуса во Иерусалим родители Его, дабы поставити Его пред Господом и дати за Него жертву по реченному в Законе Господнем. Мы же вопием Тебе сице:

Радуйся, Создателя вселенныя во исполнение закона во храм Иерусалимский принесшая.

Радуйся, тамо старцем Симеоном радостно сретенная.

Радуйся, едина Чистая и Преблагословенная в женах.

Радуйся, Крест Свой, скорбями преукрашенный, во смирении несшая.

Радуйся, воли Божией николиже преслушавшая.

Радуйся, образ терпения и смирения собою явившая.

Радуйся, сосуде, исполненный благодати Духа Святаго.

Радуйся, многоскорбная Мати Божия, печаль нашу в радость претворяющая.

Кондак 3

Силою свыше была еси укрепляема Мати Божия, егда услыша словеса старца Симеона глаголюща: «Се, лежит Сей на падение и на востание многим во Израили, и в знамение пререкаемо, и Тебе же Самой душу пройдет оружие, яко да открыются от многих сердец помышления». И скорбь велия пронзи сердце Богородицы, и возопи в горести Богу: Аллилуиа.

Икос 3

Имея тщание погубити Отроча, посла Ирод избити вся дети, сущия в Вифлееме и пределех его, от двою лета и нижайше, по времени еже испыта от волхвов; и се, по повелению Божию, данному чрез Ангела во сне старцу Иосифу, бежа все Святое Семейство во Египет и пребысть тамо седмь лет, до смерти Ирода. Темже со умилением вопием Ти:

Радуйся, всю тесноту странствия понесшая.

Радуйся, яко все идоли падоша в стране Египетстей, не возмогше терпети крепости Сына Твоего.

Радуйся, с нечестивыми язычники седмь лет пребывшая.

Радуйся, с Предвечным Младенцем-Отроком и со Своим Обручником в Назарет пришедшая.

Радуйся, со старцем Иосифом древоделом в нищете жившая.

Радуйся, все время Свое в трудах проводившая.

Радуйся, многоскорбная Мати Божия, печаль нашу в радость претворяющая.

Кондак 4

Буря скорби обдержа Пречистую Матерь, егда возвращающимся има из Иерусалима не обретоша в пути Отрока Иисуса; сего ради возвращшеся взыскающе Его. И бысть по триех днех, обретоша Его в церкви, седяща посреде учителей, и послушающа их, и вопрошающа их. И рече к Нему Мати его: «Чадо, что сотвори намо тако? Се, отец Твой и Аз боляще искахом Тебе.» И рече к нима: «Что яко искаста Мене? Не веста ли, яко в тех, яже Отца Моего, достоит быти Ми?» И Мати Его соблюдаше вся глаголы сия в сердце Своем, вопиющи Богу: Аллилуиа.

Икос 4

Услыша Мати Божия, яко Иисус прохождаше всю Галилею, уча на сонмищах их, проповедая Евангелие Царствия и исцеляя всяк недуг и всяку язву в людех, и изыде слух по всей Сирии, и приведоша к Нему болящия различными недуги и страстьми одержимыя и бесами, и разслабленныя, и исцеляше их. Ты же, Мати Божия, ведущи пророчества, скорбела еси сердцем, познавая, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многострадальная Мати Божия, вопиюще:

Радуйся, Сына Своего на служение народу иудейскому отдавшая.

Радуйся, скорбная сердцем, но покорная воле Божией.

Радуйся, мир от потопа греховнаго спасшая.

Радуйся, главу древняго змия стершая.

Радуйся, Себе в жертву живу Богу принесшая.

Радуйся, Господь бо с Тобою, Благословенная.

Радуйся, многоскорбная Мати Божия, печаль нашу в радость претворяющая.

Кондак 5

Божие Царство на земли проповедуя, обличаше Иисус гордость фарисей, мнивших себе раведными быти. Тии же, слушая притчи Его, разумеша, яко о них глаголет, и искаша яти Его, но убояшася народа, понеже яко пророка Его имеяху. Сия вся ведая, скорбяше Богородица о Сыне возлюбленнем, страшася, да не убиют Его, в горести вопиюще: Аллилуиа.

Икос 5

Видевше нецыи от иудеев воскресение Лазаря, идоша к фарисеем и рекоша им, яже сотвори Иисус; и рече Каиафа, архиерей сый лету тому: «Уне есть нам, да един человек умрет за люди, а не весь язык погибнет»; и от того дне совещашася, да убиют Его. Мы же вопием Тебе, Пречистая:

Радуйся, Спасителя мира рождшая.

Радуйся, спасения нашего главизна.

Радуйся, от рождения Материю Спасу нашему предызбранная.

Радуйся, Мати Божия, обреченная на страдания.

Радуйся, Благословенная, Царицею Небесною соделавшаяся.

Радуйся, выну за нас молящаяся.

Радуйся, многоскорбная Мати Божия, печаль нашу в радость претворяющая.

Кондак 6

Прежде проповедник слова Божия, послежде предатель - Иуда Искариотский, един от обоюнадесяти Апостолов, иде ко архиереом предати Учителя своего; они же слышавше, обрадовашася зело и обещаша ему сребреники дати. Ты же, Мати Божия, скорбящи о Сыне Своем возлюбленнем, вопияла еси горце: Аллилуиа.

Икос 6

Радуйся, Мати Божия, мукою сердечною истомленная.

Радуйся, вся претерпевшая во юдоли сей многоскорбней.

Радуйся, в молитве успокоение находившая.

Радуйся, всех скорбящих Радосте.

Радуйся, утоление наших печалей.

Радуйся, из тины греховныя нас спасающая.

Радуйся, многоскорбная Мати Божия, печаль нашу в радость претворяющая.

Кондак 7

Хотяй явити любовь Свою к роду человеческому, Господь Иисус Христос на Тайной Вечери, благословив и преломив хлеб, даде Своим учеником и Апостолом, рек: «Приимите, ядите, сие есть Тело Мое»; и прием чашу и хвалу воздав, даде им, глаголя: «Пийте от нея вси, сия есть Кровь Моя Новаго Завета, яже за многия изливаемая во оставление грехов». Благодаряще Милостиваго Бога за милосердие Его к нам неизреченное, поем Ему: Аллилуиа.

Икос 7

Новое знамение милости Своея яви Господь учеником Своим, егда обеща послати им Утешителя Духа Истины, Иже от Отца исходит и будет свидетельствовать о Нем. Тебе же, Матери Божией, дважды освященней Святым Духом, вопием:

Радуйся, Духа Святаго обиталище.

Радуйся, чертоже всесветлый.

Радуйся, пространное селение Бога Слова.

Радуйся, бисер Божественный произведшая.

Радуйся, Рождеством Твоим райския двери нам отверзающая.

Радуйся, знамение милости Божией Собою нам явившая.

Радуйся, многоскорбная Мати Божия, печаль нашу в радость претворяющая.

Кондак 8

Странно и прискорбно нам слышати, яко лобзанием предаде Учителя своего и Господа Иуда Искариотский; спира же, и тысячник, и слуги иудейския яша Иисуса и связаша Его, и ведоша к первосвященнику Анне первее, посем же к Каиафе архиереови. Мати же Божия, смертнаго совета Сына Своего возлюбленнаго ожидая, вопияла Богу: Аллилуиа.

Икос 8

Вси иудеи ведоша Иисуса от Каиафы в претор к Пилату, глаголюще Его злодеем быти. Пилат же, вопросив Его, глагола им, яко ни единая вины обретает в Нем. Мы же вопием Ти:

Радуйся, сердце, горем истерзанное, имевшая.

Радуйся, слезы о Сыне Своем проливавшая.

Радуйся, все претерпевшая без ропота, яко раба Господня.

Радуйся, стенящая и рыдающая.

Радуйся, Царице небесе и земли, приемлющая молитвы раб Своих.

Радуйся, многоскорбная Мати Божия, печаль нашу в радость претворяющая.

Кондак 9

Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, Рождеством Своим радость всему миру принесшую, послежде скорбь велию имевшую, видящи Сына Своего возлюбленнаго на поругание, и биение, и смерть преданнаго; мы же умиленное пение приносим Ти, Пречистая, поюще Всемогущему Богу: Аллилуиа.

Икос 9

Ветии многовещаннии не возмогут изрещи всех страданий, Тобою перенесенных, Спасе наш, егда воины сплетше венец из терния на главу Твою и в ризу багряну облекше, глаголаху: «Радуйся, Царю Иудейский», и бияху Тя по ланитам. Мы же, Мати Божия, страдания Твоя познавая, вопием Ти:

Радуйся, Егоже млеком Своим питала еси, терзаемаго видевшая.

Радуйся, багряницею и терновным венцем одеяннаго зревшая.

Радуйся, страданием Его спострадавшая.

Радуйся, всеми учениками Его оставленнаго видевшая.

Радуйся, неправедными судиями Его осужденнаго зревшая.

Радуйся, многоскорбная Мати Божия, печаль нашу в радость претворяющая.

Кондак 10

Спасти хотя Иисуса, рече Пилат иудеом: «Есть обычай вам, да единаго вам отпущу; хощете ли убо, отпущу вам Царя Иудейска?» Вси же возопиша, глаголюще: «Не Его, но Варавву!» Воспевая милосердие Божие, отдавшаго Сына Своего Единороднаго на крестную смерть, да искупит ны от вечныя смерти, вопием Ему: Аллилуиа.

Икос 10

Стена и ограждение буди нам, Владычице, изнемогающим от скорби и болезней: Ты бо и Сама страдала еси, слышащи иудеев, вопиющих: «Распни Его!» Ныне же услыши нас, вопиющих Ти:

Радуйся, Мати милосердия, отъемлющая всяку слезу от люте страждущих.

Радуйся, слезу умиления нам подающая.

Радуйся, погибающих грешников спасающая.

Радуйся, предстательство христиан непостыдное.

Радуйся, от страстей нас избавляющая.

Радуйся, сердцу сокрушенному отраду подающая.

Радуйся, многоскорбная Мати Божия, печаль нашу в радость претворяющая.

Кондак 11

Пение всеумиленное приносим Спасителю мира, на вольное страдание шедшу и Крест Свой несшем на Голгофу, да пропнут Его. Стояху при Кресте Иисусове Мати Его, Мария Клеопова и Мария Магдалина. Иисус же, видев Матерь и ученика стояща, егоже любляше, глагола Матери Своей: «Жено, се сын Твой». Потом глагола ученику: «Се Мати твоя». И от того часа поят Ю ученик во своя си. Ты же, Мати Божия, видя на Кресте Сына и Господа Своего, терзающися, вопияла еси горце: Аллилуиа.

Икос 11

«Свете Мой, Боже Превечный и Творче всех тварей, Господи, како терпиши страсти на Кресте?» - Чистая Дева плачущи глаголаше, - «О страннем Твоем Рождестве, Сыне Мой, паче всех матерей возвеличена бых Аз: но увы Мне. ныне Тя видящи распята, распалаюся утробою». Мы же слезы проливаем, Тебе внимающе, и вопием:

Радуйся, радости и веселия лишенная.

Радуйся, вольная страдания Сына Своего на Кресте видевшая.

Радуйся, Чадо Свое возлюбленное уязвленным зревшая.

Радуйся, Агнице, зрящи Чадо Свое, яко Агнца, на заколение ведома.

Радуйся, Избавителя язв душевных и телесных язвами покрытаго видевшая.

Радуйся, Сына Своего воскресшаго из мертвых зревшая.

Радуйся, многоскорбная Мати Божия, печаль нашу в радость претворяющая.

Кондак 12

Благодать подаждь нам, Спасе Всемилостивый, на Кресте дух Свой испустивый и согрешений наших рукописание раздравый. «Се, Свет Мой благий, Бог Мой угасе на Кресте», - Дева стенящи глаголаше, - «Потщися, Иосифе, к Пилату приступити и испроси сняти с древа Учителя твоего. Уязвена Тя видящи, без славы, нага на древе, Чадо Мое, душу Мою пройде оружие, по проречению праведнаго Симеона», - провиде Мати Божия, вопиющи: Аллилуиа.

Икос 12

Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси», - рече Пречистая, но воскресением Твоим, Спасе, помилуй всех нас. Мы же Пречистей Матери Твоей со умилением зовем:

Радуйся, зрящая мертва и бездыханна Преблагаго Господа.

Радуйся, лобзавшая тело Сына Своего возлюбленнаго.

Радуйся, яко Света Своего нага и уязвленнаго мертвеца зрела еси.

Радуйся, Света Своего гробу предавшая.

Радуйся, плащаницею новою тело Его обвившая.

Радуйся, воскресшим Его видевшая.

Радуйся, многоскорбная Мати Божия, печаль нашу в радость претворяющая.

Кондак 13

О Всепетая Мати, изнемогавшая от скорби у Креста Сына Своего и Бога, внемли воздыханием и слезам нашим и избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.

(Этот кондак читается трижды, затем икос 1 и кондак 1).

Молитва

О Многоскорбная Мати Божия, превышшая всех дщерей земли по чистоте Своей и по множеству страданий, Тобою на земли перенесенных! Приими многоболезненная воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе, не вемы, но яко дерзновение имущи к Иже из Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.

Икона Божией Матери «Умягчение злых сердец» («Симеоново проречение»)

Икону «Умягчение злых сердец» называют еще «Симеоново проречение». Как повествует святой евангелист Лука, праведному старцу Симеону Богоприимцу было предсказано Духом Святым, что он не умрет он, пока не увидит Мессию. И вот когда родители на сороковой день после рождения Младенца принесли Его в храм, пришел туда «по вдохновению» и Симеон, взял Младенца на руки (откуда и прозвание Богоприимец) и произнес знаменитые слова, которыми с тех пор завершается каждая служба вечерни и известные как Молитва святого Симеона Богоприимца: «Ныне отпущаеши раба Твоего, Владыко, по глаголу Твоему, с миром...» После же он благословил святого Иосифа и Пречистую Матерь Спасителя и обратился к Марии с тем самым «Симеоновым проречением»: «Се, лежит Сей на падение и на восстание многих в Израиле и в предмет пререканий, - и Тебе Самой оружие пройдет душу, - да откроются помышления многих сердец» Подобно тому, как Христа пронзят гвоздями и копием, так и душу Пречистой Девы поразит некое «оружие» печали и сердечной боли, когда узрит Она страдания Сына; после же откроются скрытые доселе помышления (о Мессии) людей, которым предстоит сделать выбор: с Христом они или против Него. Такое толкование Симеонова пророчества и стало предметом нескольких «символических» икон Богородицы. Все прибегающие к ним с молитвою чувствуют, что при умягчении сердца облегчаются страдания душевные и телесные, и сознают: когда молятся перед этими образами за врагов своих, тогда смягчаются их враждебные чувства, уступая место милосердию, утихают междоусобная брань и вражда.

Образ "Умягчение злых сердец" происходит, по всей видимости, из Юго-Западной Руси, однако исторических сведений о нем, к сожалению, не было никогда и никаких; неизвестно даже, где и когда икона явилась. Богородица на иконе «Умягчение злых сердец» пишется с вонзенными в Ее сердце мечами - по три справа и слева, один снизу. Число «семь» в Священном Писании обычно означает полноту, избыточность чего-либо, а в данном случае - полноту и бескрайность того горя, печали и «болезни сердечной», которые испытала Богородица во время Ее земной жизни. Иногда на коленях Пречистой Девы пишется еще и Предвечный Младенец.

Очень близок к «Умягчению злых сердец» и другой чудотворный образ — икона Божией Матери «Семистрельная». Разница между ними лишь в том, что на «Семистрельной» мечи пишутся иначе — три с правой стороны Пречистой и четыре с левой, а празднование ей совершается 26 августа по новому стилю.

Во время Второй мировой войны на юге Воронежской области, в местности, известной как Белогорье (от меловых скал на правом берегу Дона близ города Павловска), стояли воевавшие на стороне нацистов итальянские горнострелковые части. Во второй половине декабря 1942 года солдаты из взвода лейтенанта Джузеппе Перего нашли в разрушенном от бомбежек доме икону «Умягчение злых сердец», которую они передали своему военному священнику — капеллану отцу Поликарпо из Вальданьи. По словам местных жителей, эта икона происходила из пещерного Воскресенского Белогорского мужского монастыря близ Павловска. Итальянцы называли ее «Madonna del Don» («Донская Мадонна»; не следует путать этот образ с «Донской Богоматерью»). После Острогожско-Россошанского наступления советских войск в январе 1943 года остатки разбитого итальянского корпуса покинули пределы нашей страны. Капеллан Поликарпо взял «Донскую Мадонну» с собой в Италию, где в г. Местре (материковая часть Венеции) специально для нее была выстроена часовня, до сих пор остающаяся местом массового паломничества родных и близких итальянских солдат, погибших на русских землях.

По благословению

митрополита Херсонского и Таврического Иоанна

Святая икона Божией Матери Семистрельная, текст акафиста которой посвящен страданиям Пречистой Девы, своей иконографией очень напоминает чудотворный образ Умягчение двух сердец, или, как его еще называют, Симеоново проречение. Единственным отличием Семистрельной иконы является расположение копий, символически пронзающих – на ней все они изображены по правую и левую Ее руки, а на Умягчении злых сердец одно из копий расположено снизу. Христианский акафист Семистрельной иконе посвящен не только немыслимой доброте и заступничеству Матери Иисуса Христа, но и напрямую связан с событием, которое в православной церкви получило название Сретения Господня.

Христианский акафист Семистрельной иконе читают для примирения враждующих

Праздник Сретения Господня, заложенный в основу православного акафиста Семистрельной иконе Божией Матери, считается одновременно господским (посвященным Иисусу Христу) и богородичным. Он подробно описан в Евангелии: на сороковой день после Рождества Христова Мария и Иосиф отправились в Иерусалимский храм, чтобы принести Богу жертву за первенца, как это было принято в иудейском обществе. У входа в храм их встретил старец Симеон, которому на тот момент было около 300 лет, и, взяв Иисуса на руки, произнес, что Младенец этот – ожидаемый всеми Мессия. В православном акафисте Семистрельной иконе Богородицы говорится, что встреча эта была не простая – когда-то давно Симеон усомнился в пророчестве, касающемся рождения Христа, и Бог пообещал ему, что он увидит Его своими глазами.

Читать акафист Божьей Матери Семистрельной умягчения злых сердец на Руси было принято от врагов

Автор акафиста Семистрельной иконе пишет, что после этого праведный Симеон обратился к Пречистой Деве, и произнес, что душу Ей пройдет оружие, подразумевая при этом страдания, которые испытает Богородица, глядя на то, как ее Сына сначала возвысят, затем отвергнут, будут пытать и в итоге распнут. Копья, изображенные на чудотворном образе, направленные в сердце Божией Матери – визуальное воплощение этих слов Симеона. Читать акафист Семистрельной иконе Богородицы можно в любое время по велению души, а также 27 августа, в день ее особого почитания и празднования.

Слушать на видео акафист Семистрельной иконе Пресвятой Богородицы

Православный текст акафиста Семистрельной иконе Богоматери на русском языке

Избранней Деве Марии, превысшей всех дщерей земли, Матери Сына Божия, Его же даде спасению мира, со умилением взываем: воззри на многоскорбное житие наше, воспомяни скорби и болезни, ихже претерпела еси, яко наша земнородная, и сотвори с нами по милосердию Твоему да зовем Ти:

Радуйся, дыханием Своим Сына Своего возлюбленнаго согревшая

Радуйся, Предвечнаго Младенца пеленами повившая.

Радуйся, Носителя вселенныя млеком Своим питавшая;

Радуйся, вертеп в небо обратившая.

Радуйся, престолом херувим соделавшаяся;

Радуйся, в рождестве и по рождестве Девою пребывшая.

Радуйся, многоскорбная Мати Божия, печаль нашу в радость претворяющая.

Радуйся, Создателя вселенныя во исполнение закона во храм Иерусалимский принесшая;

Радуйся, тамо старцем Симеоном радостно сретенная.

Радуйся, Едина Чистая и Преблагословенная в женах;

Радуйся, Крест Свой, скорбями преукрашенный, во смирении несшая.

Радуйся, воли Божией николиже преслушавшая;

Радуйся, образ терпения и смирения собою явившая.

Радуйся, сосуде, исполненный благодати Духа Святаго.

Радуйся, многоскорбная Мати Божия, печаль нашу в радость претворяющая.

Силою свыше была еси укрепляема, Мати Божия, егда услыша словеса старца Симеона глаголюща: «Се, лежит Сей на падение и на востание многим во Израили, и в знамение пререкаемо, и Тебе же Самой душу пройдет оружие, яко да открыются от многих сердец помышления»; и скорбь велия пронзи сердце Богородицы, и возопи в горести Богу: Аллилуиа.

Имея тщание погубити Отроча, посла Ирод избити вся дети, сущия в Вифлееме и пределех его от двою лета и нижайше, по времени еже испыта от волхвов и се по повелению Божию, данному чрез Ангела во сне старцу Иосифу, бежа все святое семейство во Египет и пребысть тамо седмь лет до смерти Ирода. Тем же со умилением вопием Ти:

Радуйся, всю тесноту странствия понесшая;

Радуйся, яко все идоли падоша в стране Египетской не возмогше терпети крепости Сына Твоего.

Радуйся, с нечестивыми язычники седмь лет пребывшая;

Радуйся, с Предвечным Младенцем-Отроком и со Своим Обручником в Назарет пришедшая.

Радуйся, со старцем Иосифом древоделом в нищете жившая;

Радуйся, все время Свое в трудах проводившая.

Радуйся, многоскорбная Мати Божия, печаль нашу в радость претворяющая.

Буря скорби обдержа Пречистую Матерь, егда возвращающимся има из Иерусалима не обретоша в пути Отрока Иисуса. Сего ради возвращшеся взыскающе Его, и бысть по триех днех обретоша Его в церкви, седяща посреде учителей и послушающа их и вопрошающа их. И рече к Нему Мати его: «Чадо, что сотвори намо тако? Се Отец Твой и Аз боляще искахом Тебе?» И рече к нима: «Что яко искаста Мене, не веста ли яко в тех, яже Отца Моего суть достоит быти Ми»; и Мати Его соблюдаше вся глаголы сия в сердце своем, вопиющи Богу: Аллилуиа.

Радуйся, Сына Своего на служение народу иудейскому отдавшая;

Радуйся, скорбная сердцем, но покорная воле Божией.

Радуйся, мир от потопа греховнаго спасшая;

Радуйся, главу древнего змия стершая.

Радуйся, Себе в жертву живу Богу принесшая;

Радуйся, Господь бо с Тобою, Благословенная.

Радуйся, многоскорбная Мати Божия, печаль нашу в радость претворяющая.

Божие Царство на земли проповедуя, гордость фарисей, мнивших себя праведными быти. Тии же, слушая притчи Его, разумеша, яко о них глаголет, и искаша яти Его, но убояшася народа, понеже яко пророка Его имеяху; сие все ведая, скорбяше Богородица о Сыне возлюбленном, страшася, да не убьют Его, в горести вопиюще: Аллилуиа.

Радуйся, Спасителя мира рождшая;

Радуйся, спасения нашего главизна.

Радуйся, от рождения Матерью Спасу нашему предызбранная;

Радуйся, Мати Божия, обреченная на страдание.

Радуйся, Благословенная, Царицею Небесною соделавшаяся;

Радуйся, выну за нас молящаяся.

Радуйся, Многоскорбная Мати Божия, печаль нашу в радость претворяющая.

Прежде проповедник слова Божия, послежде предатель — Иуда Искариотский, един от обоюнадесяти Апостолов, иде ко архиереом предати Учителя своего; они же слышавше, обрадовашася зело и обещаша ему сребреники дати; Ты же, Мати Божия, скорбящи о Сыне Своем возлюбленном, вопияла горце Богу: Аллилуиа.

Радуйся, Мати Божия, мукой сердечной истомленная;

Радуйся, вся претерпевшая во юдоли сей многоскорбней.

Радуйся, в молитве успокоение находившая;

Радуйся, всех скорбящих радосте.

Радуйся, утоление наших печалей;

Радуйся, из тины греховныя нас спасающая.

Радуйся, многоскорбная Мати Божия, печаль нашу в радость претворяющая.

Хотяй явити любовь свою к роду человеческому Господь Иисус Христос на Тайной Вечери, благословив и преломив хлеб, даде Своим учеником и апостолом, рек: «Приимите, ядите, сие есть Тело Мое»; и прием чашу и хвалу воздав, даде им, глаголя: «Пийте от нея вси, сия есть Кровь Моя Новаго Завета, яже за многия изливаемая во оставление грехов». Благодаряще милостиваго Бога за милосердие Его к нам неизреченное, поем Ему: Аллилуиа.

Радуйся, Духа Святаго обиталище;

Радуйся, чертоже всесветлый.

Радуйся, пространное селение Бога Слова;

Радуйся, бисер Божественный произведшая.

Радуйся, Рождеством Твоим райския двери нам отверзающая;

Радуйся, знамение милости Божией Собою нам явившая.

Радуйся, многоскорбная Мати Божия, печаль нашу в радость претворяющая.

Все иудеи ведоша Иисуса от Каиафы в претор к Пилату, глаголюще Его злодеем быти. Пилат же, вопросив Его, глагола им, яко ни единая вины обретает в Нем; мы же вопием Ти:

Радуйся, сердце, горем истерзанное, имевшая;

Радуйся, слезы о Сыне Своем проливавшая.

Радуйся, все претерпевшая без ропота, яко раба Господня;

Радуйся, стенящая и рыдающая.

Радуйся, Царице Небеси и земли, приемлющая молитвы раб Своих.

Радуйся, многоскорбная Мати Божия, печаль нашу в радость претворяющая.

Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, Рождеством своим радость всему миру принесшую, послежде скорбь велию имевшую, видящи Сына Своего возлюбленнаго на поругание и биение и смерть преданнаго, мы же умиленное пение приносим Ти, Пречистая, поюще Всемогущему Богу: Аллилуиа.

Ветии многовещанныя не возмогут изрещи всех страданий, Тобою перенесенных, Спасе наш, егда воины сплетше венец из терния на главу Твою и в ризу багряну облекоша, глаголаху: «Радуйся, Царю Иудейский»; и бияху Тя по ланитам. Мы же, Мати Божия, страдания Твоя познавая, вопием Ти:

Радуйся, Его же млеком Своим питала еси, терзаемаго видевшая;

Радуйся, багряницею и терновным венцем одеяннаго зревшая.

Радуйся, страданием Его спострадавшая;

Радуйся, всеми учениками Его оставленнаго видевшая.

Радуйся, неправедными судиями Его осужденнаго зревшая.

Радуйся, многоскорбная Мати Божия, печаль нашу в радость претворяющая.

Спасти хотя Иисуса, рече Пилат иудеом: «Есть обычай нам, да единаго вам отпущу, хощете ли убо отпущу вам Царя Иудейскаго?» Вси же возопиша, глаголюще: «Не Его, но Варраву!» Воспевая милосердие Божие, отдавшаго на крестную смерть, да искупит ны от вечныя смерти, вопием Ему: Аллилуиа.

Стена и ограждение буди нам, Владычице, изнемогающим от скорби и болезней. Ты бо и Сама страдала еси, слышащи иудеев, вопиющих: «Распни Его!» Ныне же услыши нас, вопиющих Ти:

Радуйся, Мати Милосердия, отъемлющая всяку слезу от люте страждущих;

Радуйся, слезу умиления нам подающая.

Радуйся, погибающих грешников спасающая;

Радуйся, предстательство христиан непостыдное.

Радуйся, от страстей нас избавляющая;

Радуйся, сердцу сокрушенному отраду подающая.

Радуйся, многоскорбная Мати Божия, печаль нашу в радость претворяющая.

Пение всеумиленное приносим Спасителю мира, на вольное страдание шедшу и Крест свой несшу на Голгофу пропяти Его; стояху при Кресте Иисусове Мати Его, Мария Клеопова и Мария Магдалина. Иисус же, видев Матерь и ученика стояща, его же любляше, глагола Матери Своей: «Жено, се Сын Твой!» Потом глагола ученику: «Се Мати Твоя!» И от того часа поят Ю ученик восвояси. Ты, Мати Божия, видя на Кресте Сына и Господа Своего терзающися, вопияла горце Богу: Аллилуиа.

«Свете Мой, Боже превечный и Творче всех тварей, Господи, како терпиши страсти на Кресте?» — Чистая Дева плачущи глаголаше о страннем Твоем Рождестве: «Сыне Мой, паче всех матерей возвеличена бых Аз, но, увы Мне, ныне Тя видящи распята распаляюся утробою»; мы же слези проливаем, Тебе внимающе, вопием Ти:

Радуйся, радости и веселия лишенная;

Радуйся, вольная страдания Сына Своего на Кресте видевшая.

Радуйся, Чадо Свое возлюбленное уязвленным зревшая;

Радуйся, Агница, зрящи Чадо Свое, яко Агнца, на заколение ведома.

Радуйся, Избавителя язв душевных и телесных язвами покрытаго видевшая.

Радуйся, Сына Своего воскресшаго из мертвых зревшая.

Радуйся, многоскорбная Мати Божия, печаль нашу в радость претворяющая.

Благодать подаждь нам, Спасе Всемилостивый, на Кресте Дух Свой испустивый и согрешений наших рукописание раздравый. «Се, Свете Мой благий, Бог Мой угасе на Кресте» — Дево стеняще глаголаше. — «Потщися, Иосифе, к Пилату приступити и испроси сняти с древа Учителя Твоего. Уязвленнаго Тя видевше без славы нага на древе, Чадо Мое, душу Мою пройде оружие, по проречению праведнаго Симеона», — провиди Мати Божия, вопиющи: Аллилуиа.

Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси», — рече Пречистая, но воскресением Твоим, Спасе, помилуй всех нас, мы же Пречистей Матери Твоей со умилением зовем:

Радуйся, мертва зряще бездыханна преблагаго Господа;

Радуйся, лобзавшая тело Сына Своего возлюбленнаго.

Радуйся, Света Своего нага и уязвленнаго мертвеца зрела еси;

Радуйся, Света Своего гробу предавшая.

Радуйся, плащаницею новою Тело Его обвившая;

Радуйся, воскресшим Его видевшая.

Радуйся, многоскорбная Мати Божия, печаль нашу в радость претворяющая.

О Всепетая Мати, изнемогавшая от скорби у Креста Сына Своего и Бога, внемли воздыханием и слезам нашим и избави от скорби, болезней и вечныя смерти всех, уповающих на неизреченное Твое милосердие и вопиющих Богу: Аллилуиа.

/Этот кондак читается три раза, затем икос 1, и кондак 1/

Молитва первая перед иконой Божьей Матери Семистрельной Умягчение злых сердец

О, Многострадальная Мати Божия, Превысшая всех дщерей земли по чистоте Своей и по множеству страданий, Тобою на земли перенесенных! Приими многоболезненныя воздыхания наша и сохрани нас под кровом . Инаго бо прибежища и теплаго предстательства, разве Тебе, не вемы, но яко дерзновение имущи ко иже из Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати в Троице Единаго Бога, всегда, ныне и присно и во веки веков. Аминь.

Молитва вторая в перед иконой Богоматери Семистрельная

О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим, не остави нас во зле погибающих, раствори любовию сердца наши и ко врагам нашим пошли стрелу Свою, да уязвляет сердца наши миром к гонящим нас. Аще мир нас ненавидит — Ты простри к нам, аще мир нас гонит — Ты приими нас, подаждь нам Благодатную силу терпения — без ропота перенести испытания в мире сем бываемая. О, Госпоже! Умягчи сердца злых человеков, восстающих на нас, да не погибнут сердца их во зле, — но умоли, Благодатная, Сына Твоего и Бога нашего, да умирит сердца их миром, дьявол же — отец злобы — да посрамится! Мы же, воспевая милосердие Твое к нам, злым, непотребным, воспоем Ти, о Пречудная Госпоже Дево Благодатная, услыши нас в час сей, сокрушенныя сердца имущих, огради нас с миром и любовию друг ко другу и ко врагам нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!